‘आरसा’ने पटकावले दोन पुरस्कार

पुणे :
सध्या लॉकडाऊनमुळे विविध फिल्म फेस्टिवल ऑनलाइन होत आहेत. त्यातून अनेक नवे विषय, नवीन प्रवाह आणि नवी मांडणी समोर येत आहे. कॅन्सर विषयक सामाजिक प्रबोधनात्मक निर्मिती केलेल्या येथील ‘आरसा’ या  सामाजिक लघुपटाला पश्चिम बंगाल येथील ‘दुर्गापूर  इंटरनॅशनल शॉर्टफिल्म फेस्टिवल’ मध्ये “सर्वोत्कृष्ट लघुपट” सहित “परीक्षक पसंती अभिनेत्री पुरस्कार”  श्वेता पगार असे एकूण दोन पुरस्कार जाहीर झाले आहेत.
‘सर्वोत्कृष्ट लघुपट- आरसा’, व  ‘सर्वोत्कृष्ट परीक्षक पसंती अभिनेत्री पुरस्कार -श्वेता पगार’ असे एकूण दोन पुरस्कार या लघुपटाला मिळाले आहेत.अनेक दर्जेदार लघुपटांमधून येथील आशिष निनगुरकर लिखित “आरसा” या लघुपटाने परीक्षकांची विशेष पसंती मिळवली.’आरसा’ हा लघुपट कॅन्सर रोगाबद्दल जनजागृती करणारा आहे. या लघुपटाने याअगोदर विविध फेस्टिवलमध्ये अनेक नामांकने व पुरस्कार  पटकावले आहेत.तसेच या सर्व फेस्टिवलमध्ये या  लघुपटाच्या स्क्रिनिंगला उत्तम प्रतिसाद मिळाला आहे.

या लघुपटाचे दिग्दर्शन गणेश मोडक यांनी केले असून संकलन हर्षद वैती यांचे आहे. छायांकन योगेश अंधारे यांचे असून यात श्वेता पगार, चैत्रा भुजबळ, संकेत कश्यप,गीतांजली कांबळी व डॉ. स्मिता कासार यांनी भूमिका केल्या आहेत. आशिष निनगुरकर यांनी या लघुपटाचे लेखन केले असून  ‘काव्या ड्रीम मूव्हीज व किरण निनगुरकर’ यांनी या लघुपटाची निर्मिती केली आहे. तर लघुपटासाठी निर्मिती व्यवस्थापक म्हणून प्रतिश सोनवणे, स्वप्निल निंबाळकर, सिद्धेश दळवी, प्रदीप कडू, अभिषेक लगस, सुनील जाधव,अजित वसंत पवार यांनी काम केले आहे. या लघुपटाचे सहनिर्माते अशोक कुंदप व आशा कुंदप हे आहेत.

LEAVE A REPLY

Please enter your comment!
Please enter your name here